كم ساعة شغل لتحويل هالكرتون لخزانة زغيرة؟

بحبّ كتير صنّع الأغراض اللي بكون عايزتها وساهم بعملية التحويل من شغلة بدنا نكبّا لشغلة بدنا نحافظ عليها ونعبّيها.

♻️ وهيك علب الكرتون

(بسكويت غندور 26×15)

تحوّلوا لخزانتين زغار، لعدّة الرسم

قياس الوحدة 59×67

وبيركبوا فوق الطاولة اللي عملتا من كم سنة من خشب وكرتون، لتساع كمان اغراض الرسم والاوراق والكراتين.

تشكيل بالورق والخيطان والكرتون Travaux Manuels / HandiCrafts

https://amaromri.blogspot.com/p/blog-page_2.html

في كتير أفكار مغلوطة عن الفن والفنانين، منها إنّو شو قاعدين عم تعملوا كل النهار لا شغلة ولا عملة؟

منها إنّو أف ليش أعمالكن او لوحاتكن او رسماتكن او... هلقد غاليين؟ إنو هلقد بدّا يعني ما مين ما كان بيقدر يعمل هالشغل

وإلخ.

انا هالمرة قصدت إنّي جرّب إحسب أدّيش أخدوا وقت معي هالخزانتين الزغار، لان ولا مرة بحسب وقتي لأنّه وقتي ملكي.

ما رح فيكن تحزروا اديش أخد وقت هالشغل وأديش تطلّب مواد أقله غري وورق وكرتون، وبعدين الالوان الأكريليك والطلاء النهائي.

⏳ أكتر من 65 ساعة شغل 😉

إي نعم. وشغل ضيان مش حيلّا.

كل مرّة بتشوفوا عمل فني ما توقفوا بس عند العمل او عند بساطته، وفكروا هالفنان أديش حط من وقته وفكره ومهاراته حتى يخلق من اللاشيء إشيا حلوة ومفيدة او حتى يعبّر عن الواقع ع طريقته.

وفيكن بمدوّنتي تشوفوا كل الإشيا اللي عزتا فعملتا، او حبّيت إهديا وتكون من صنع إيديّي 🎁

بتكبسوا على الصفحات pages